رجال الأمن بالداخلة بقيادة العميد بنرحو عبرو عن الحنكة و الحكمة ديالهم، دارو خدمتهم بدون إحتكاك

بتعليمات و قيادة من رئيس المنطقة الاقليمية للأمن بجهة الداخلة وادي الذهب و بالكثير من الحنكة و الحكمة فالتعامل مع تأمين احتفالات المواطنين الذين خرجو إلى الشوارع الرئيسية بغد فوز المنتخب الجزائري بكأس أمم أفريقيا قدرو رجال الامن باش اديرو خدمتهم بدون اي احتكاك مع المحتفلين.

كامرة الداخلة تيڤي كانت شاهدة منذ بداية الاحتفالات و تجولت بكافة شوارع المدينة اللي كانت تمر فيها الاحتفالات بشكل طبيعي حتى نهايتها رغم تربص البعض بالاحتفالات من أجل خروجها عن مسارها الرياضي و تحويلها لحدث سياسي.

صعيب أنك تكون فمدينة بحال الداخلة اللي كتعرف احتقان شعبي كبير فمختلف شرائح الساكنة و مدينة اللي فيها بزاف ديال التوجهات و العقليات و صعيب أنك ترضي الجميع و تدير ليه خاطرو بدون ما تلجأ للمقاربة الامنية اللي وقعات فبزاف ديال المدن و شفنا النتيجة ديالها هادشي قدر العميد “سعيد بن حمو” و رجاله انهم اديروه و تسالي الحفلة بخير و على خير وبدون اي مشاكل.

هادي ماشي هي المرة الأولى اللي تكون الداخلة تيڤي شاهدة فيها على حكمة هذا العميد اللي كنتمناو أنها تبقى دائما فالتعامل مع المواطنين و تحافظ على الاستقرار ديال المدينة،سبق لنا وقفنا على قضية أخرى أمام بناية المنطقة الإقليمية بحي المطار مللي خرج هذا العميد بنفسه لعند المواطنين اللي كانو واقفين أمامها و طمأنهم على شبان كانو معتقلين و بكل تواضع و إنصات للجميع و قانونية.

رئيس الدائرة الاولى للامن اللي معروفة “بكوميسارية المرحوم بلاهي” و رئيس فرقة الضابطة القضائية المسمى “السواقي” رفقة رجال أمن آخرين كانو هوما المشرفين على تأمين الاحتفالات و الداخلة تيفي تابعت و راقبت الحكمة ديالهم فتجنب الاحتكاك مع المواطنين و دارو خدمتهم بدون ما يوقع اي مشكل يقدر فاخر المطاف ازيد الطين بلة و تتحول الأمور الى ما لا يحمد عقباه.

بهذا تكون الداخلة هي المدينة الوحيدة و الحمد لله اللي احتافلو ناسها بكل أمن وسلام ما تضرب حد ما تمنع حد فالوقت اللي كانت جميع المدن فالصحراء فيها ماهي و ما لونها بدون استثناء، فهي رسالة إلى السيد الحموشي راه الأمن ما يقدرش اكون الا برجال يستحضرون الحكمة و السلاسة عند كل مشكل باش اخرجو منو بسلام أما القبضة الحديدية عمرها غادي تحقق شي نتيجة.

مصادر خاصة قالت لداخلة تيڤي بأن والي الجهة حتى هو كان اعطى توصياته لرجال الأمن بأنهم احافظو على الطابع السلمي ديال الاحتفالات و حذرهم من أنهم يوقعوا فشباك المتربصين بالاحتفالات من أجل إخراجها من طابعها الرياضي و أكد لهم على ضرورة التعامل بلباقة مع المواطنين باش ادوز كلشي بخير و على خير.

المصدر: dakhlatv

Leave A Reply

Your email address will not be published.