نقلاً عن كود

التوظيف المباشر مازال كاين فلعيون وبشروط وصاليرات خيالية. وحسب مصادر ل”كود” فإن ثلاثين من الأطر العليا وقعو عقود عمل لمدة سنتين براتب خمسة آلالاف درهم دون اجتياز مباراة الأسبوع لي فات.

الظروف المحيطة بهاد التوظيف غير معروفة وماشي قانونية لأن هاد الناس غادي يخدمو فمجموعة من نقاط القراءة بالعيون وأصحاب هاد المشروع ديال النقاط لي هوما جهة العيون الساقية الحمراء ووكالة تنمية الأقاليم الجنوبية وأكاديمية جهة العيون الساقية الحمراء ماكيناش التوقيعات ديالهم فعقود العمل.

وحسب أحد المستفيدين فإن عقود العمل لاتحمل أي جهة مشغلة وتحمل فقط شعار الأنابيك. يعني حتى واحد من هاد الناس المسؤولة على المشروع ما كاينة سميتو فهاد العقود كنوع من الإلتفاف والتحايل على القانون.

هاد التوظيف أيضا قالت المصادر أن القبيلة حتى هي كانت حاضرة فيه لأن مايقارب 14 واحد من المعطلين من قبيلة الركيبات بحدها، حيت هوما لي بقاو قبل ما يتفك الإضراب لي كانو دايرين بمقر جمعية حقوقية في العيون قبل الزيارة الملكية.

هاد ثلاتين واحد دابا واش هي لي معطلة فلعيون. أم أنه خاصك تكون مقرب من شي حد مسؤول باش دوز وتطلق البطالة بالثلاث يضيف متحدث ل”كود”. وفين الخطابات الملكية والتوظيف المباشر لي تلغى فالمغرب فعهد بن كيران.

زيدون هاد الناس غادي تخلص نهار واحد فشهر دجنبر وغادي يدوز ليها شهرين ديال الصالير واخا ماخدموش وماعتباتش رجليهم نقاط القراءة أبدا.