الداخلة..سيدي براهيم يكتب..صفقات بعيدة عن الأنظار..”فيديو”

العيون الآن 

الداخلة..سيدي براهيم يكتب..صفقات بعيدة عن الأنظار…

هذا المقطع اللي منكم شافوا لهي اگول عنو الا لأرض عسكرية مسيجة ولا أرض في مخصصة لمحمية في ملكية شخص،لكن الحقيقة هذا مشروع من مشاريع التشجير لمحاربة التصحر بأرياف جهة الداخلة وادي الذهب،هذا البرنامج اللي صفقاته تحت إشراف المياه و الغابات و اللي مخصص لزراعة أشجار الطلح…كانكم شفتو الطلح؟

ذا اللي تشوفو فالمطقع هي أرض گبظتها الشركة اللي نعطات لها الصفقة و زگننت بها كيلوميترات من السياج الحديدي و حفرة فيها ما يفوق الفين حفرة و إكتفت بوضع كيس بلاستيكي فكل حفرة،ذا المقطع من منطقة گراير الرملة و بالضبط شرق صوندة العطف ب 5 كلم تقريباً.

هذا مشروع من مبين عشرات المشاريع اللي بعيدة كل البعد عن أنظار الرأي العام المحلي و الوطني و بعيدة كل البعد عن مؤسسات الدولة من أجل المراقبة تتم فيها التلاعبات ما بين ملاك الشركات و المهندسين و اللجان المكلفة بالرقابة و التتبع،صفقات بملايير الدراهم الجميع واكل فيها و الجميع مشارك فيها.

هذا ماهو المشروع الوحيد خالگة أزيد من 6 مشاريع للتشجير كاملة عدلو فيها نفس اللي تشوف ه فذا المقطع،عدلوها فمنكقة الشيرات و فلمهيريز و فنواحي صوندة جامع و غيرهم و غيرهم،اليوم أحنا نتسائلو مذا جنينا أحنا من ذي المشاريع كون تخصار التراب بلحفر و السياج ؟ واش ذي لبلاد ما فيها حد گع إگد يتكلم عن ذي السيبة و الفوضى.

أيوا السادة البرلمانيين ديال الداخلة و السادة المنتخبون أرانا خدمنا خدمتكم و جبنا لكم الخدمة إلى أمبين أيديكم، على الأقل كون مراسلة كما العادة…

✓ فيديو

 

اترك رد

لن يتم نشر عنوان بريدك الإلكتروني.